De Bemeler Zoepnaze zeen opgeriech es un zaate bende in 1982.
De hoofdtaak is de ondersteuning van de Bemeler Carnaval, meh daorneve treije veer auch op op Zaate Hermeniekes Concoursen, Feesten, Broeloften en aandere activiteiten die veer leuk vinden.
Bestoond oet unne totaale crew van ongeveer 35 man. Boe oonder bestuurslede, adviseurs, technische staf, mediesche staf, persveurliechters, catering, cheffeur vaan de bus, dirizjent en un paar muzikante. En daan niet te vergete uzze groepies die us bienao eder optreie volgen.
Veurop sjteit veul lol, plezeer en sjpass!!
Mit natuurlik op ziene tied un lekker gleeske beer, underberg, jagermeister, wien en jao zelfs af en tow un gleeske fris
De gelieverde prestaties zien groet: : 1 tunneke Brand beer in 22 minute en 11 sekondes. Daobeij höbbe veer nog un aontal ierste preis gehaold op diverse concourse in ut Heuvelland en umgeving.
Jaore laank organiseerde veer al us eige Zaate Hermeniekes Concours in Bemele, wat altied geweldig succesvol verleep. Tiedens 't concours in 1998 mogte ver nog un hoegtepunt belève, us ierste ( en innigste ) CD getiteld "111 punte"), die ver saame mèt 5 ander Hermeniekes opnaome, woort door Beppie Kraft gepresenteerd
In record tied ginge 1500 stuks euver de toenbank en veer besteege de hitlieste!!!
Hoegtepunte waore oonder andere ut wegkaape van de wisselbeker nao 3 euverwinninge op reij in Groesselt.
En in 1995 uzze internationale doorbraak tiedens us ierste boetelandse toernee beij de Belzje in Maaseik. Wederom höbbe veer de ierste pries in de wacht wete te sleijpe.
In 1996 deege veer veur ut iers mèt aon ut Limburgs Kampioensjap veur Zaate Hermeniekes, veur de sjpass, want veer wilde dat waal uns mitmaake zoe ein optreje in zoe eine groete tent.
Ut waor fantastisch um in zoe eine sfeer te speele. Zoeveul luij die op uzze meziek stonge te danse, te zinge en te walse.
In Posterholt woorte veer tut us eige verbazing twiede, dat sjmaakte noa mier! Ut jaor dao op ginge veer nao Horn, want die hadde het concoers in 1996 gewonne.
Tot us nog groetere verbazing woorte veer ierste. Limburgs bèste vaan 1997.
Ut waor un gigantisch fees, nao un hiel gezellige en roemoerige busreis kaome veer oan in us eige dörrep, dat hubbe veer auch nog eve laote mit geneete die nach.
Want dao huurt natuurlik un iereronde door t dörrep bie, oongeach de tied ! Nao die ierste verbazing, feesroes en resepsie sloog de stumming un bietsje um in zörrig en sjrik.
Wat hauwe veer oangeriech? Wie mos dat mèt die organisatie van ut Limburgs Kampioensjap in 1998 in Bemele?
Zou dat wèl good komme?? Zoen organisatie is neet niks, mèh nao unne houp blood, zweit, traone, lache, beer en plezeer (in willekeurige volgorde) zeen ver der same in geslaag um de organisatie roond te kriege.
En wat veur fees waor dat!!
Op vriedag oavend houwe veer de Shintaler die de ganse tent oan de geng krege. Ut waor schitterend um al die lui te zeen danse en zinge op dee gezellige meziek.
Op zoaterdag oavend woar ut LKZH. De oavend werd geopend door Roeat Waas Auch Leuk Gewaes, de organiserende Zaate Hermenie vaan t joar derveur. Oeteindelijk werd t gewonnen door Katerjach oet Mestreech.
Op zoondag hauwe veer nog de loarlijkse marswedstrijden ven de Fed. L.Z.W.
Dit is un joarliks terug kierende wedstrijd veur Harmonie en Fanfares boe de Hermenie vaan Bemelen auch lid vaan is.
Door het slechte weer zeen de marswedstrijden helaas neet door gegange meh zeen veer met alle Hermenieen de tent ingetrokken boe veer onder t genot vaan un gleeske beer en frisdraank nog un klein muzikaal optreje hubben gehad vaan eeder Hermenie.
'n Klein vief doezend (jawel 5000!) bezeukers in 1 weekend in Bemele, ut waor gigantisch.
De luij spreke noe nog steeds d'r euver!
In 2008 hubbe veer weer ins mitgedoan oan ut L.K.Z.H. in Heythuizen.
Zoe es ut bie de mieste hermeniekes geit zeen er de litste joare get vaan de `ouwere` leden gestop.
Meh un joar of drei geleije is er unne groep jeugd bie gekomme. Sommige doavaan zeen zelfs kinder vaan de `ouwere ` leden.
En noa ut instuderen vaan bienoa u gans nui repertoire wilde deze nuie groep zelf ins mitmaake of die verhoale vaan de oudjes inderdaad woar waore.
Oondanks tut veer us ooit un jaor Limburgs Kampioen mogte neume bleif auch in de towkoms ut hoofdoel van de Zoepnaze:
Ut muzikaal begeleije van de carnavalsvereiniging "De Berggeite" en de Bemeler carnaval.